Afreks- og hvatningarsjóður stúdenta Háskóla Íslands

Afreks- og hvatningarsjóður stúdenta Háskóla Íslands styrkir afburðanemendur til náms við skólann ár hvert. Styrkir eru veittir til framhaldsskólanema sem ná afburðaárangri á stúdentsprófi og innritast í Háskóla Íslands.  Við úthlutun er einnig leitast við að styrkja nemendur sem sýnt  hafa sérstakar framfarir í námi sínu eða náð góðum námsárangri þrátt fyrir erfiðar aðstæður. 

 

Afreks- og hvatningarsjóður stúdenta Háskóla Íslands var stofnaður árið 2008. Frá upphafi hafa ríflega 220 nýnemar við Háskólann hlotið styrki úr sjóðnum. Þann 26. júní 2017 var úthlutað úr sjóðnum í tíunda sinn. Sjá frétt um úthlutun ársins 2017.

 

Sérstakir áhersluþættir

Í ár verður lögð sérstök áhersla á að styrkja þá nemendur sem sækja um kennaranám eða annað nám í menntavísindum og eins þá nemendur sem hafa íslensku sem annað mál.

 

Upphæð styrks

Hver styrkur er að fjárhæð 300.000 kr. auk 75.000 kr. til endurgreiðslu á skrásetningargjaldi við Háskóla Íslands. Styrkhafar fá styrkinn greiddan fljótlega eftir að nám við skólann hefst.

 

Hverjir geta sótt um?

Nýnemar við Háskóla Íslands, innritaðir í nám á haustönn úthlutunarárs, geta sótt um styrkinn.

 

Umsóknarfrestur fyrir skólaárið 2017-2018 var 5. júní 2017.

 

Viðtöl við fyrrverandi styrkþega

 

Skilyrði styrkveitingar

Við val á styrkhöfum er tekið mið af framúrskarandi námsárangri á stúdentsprófi. Einnig er horft til virkni í félagsstörfum og árangurs stúdenta á öðrum sviðum, s.s. í listum og íþróttum. 

 

Í umsókn skal koma fram, auk almennra upplýsinga um umsækjanda: 

• greinargóð lýsing á námsferli

• stutt umfjöllun um annað sem umsækjandi hefur tekið sér fyrir hendur og telur að skipti máli 

• lýsing á framtíðaráformum 

 

Með umsókn þurfa að fylgja: 

• stúdentsprófsskírteini

• meðmælabréf 

• staðfesting á virkni í félagsstörfum, sérstökum aðstæðum og/eða árangri á öðrum sviðum

 

Vönduð vinnubrögð og skýr framsetning á upplýsingum auðveldar mat stjórnar á umsóknum. Umsóknir án fylgigagna koma ekki til greina við val stjórnar á styrkhafa.

 

Stjórn sjóðsins

Friðgeir Börkur Hansen, prófessor á Menntavísindasviði

Steinunn Gestsdóttir, prófessor á Heilbrigðisvísindasviði

Ólafur Pétur Pálsson, prófessor á Verkfræði- og náttúruvísindasviði

 

Frekari upplýsingar um styrkinn veitir Sólveig Nielsen; solveign@hi.is.