Stjórn sjóðsins er skipuð fimm mönnum. Það eru forseti Hugvísindasviðs og deildarforsetar deilda sviðsins (Guðfræði- og trúarbragðafræðideild, Íslensku- og menningardeild, Mála- og menningardeild og Sagnfræði- og heimspekideild). Forseti Hugvísindasviðs er formaður stjórnar. 

Í stjórninni sitja:

• Ólöf Garðarsdóttir, formaður
• Sverrir Jakobsson
• Arnfríður Guðmundsdóttir
• Gauti Kristmannsson
• Gísli Magnússon

Staðfest skipulagsskrá Menntasjóðs Hugvísindasviðs (PDF).

Auglýsing um umsóknartímabil er sett á vef sjóða og á vef Háskóla Íslands. Einungis er opið fyrir umsóknir á auglýstum umsóknartíma.

Óskað er eftir að í umsókn komi fram:

• Nafn umsækjanda, kennitala, heimilisfang, sími og virkt netfang.
• Helstu atriði úr náms- og starfsferli og ritaskrá umsækjanda.
• Heiti rannsóknarverkefnisins og nafn leiðbeinanda.
• Hnitmiðuð lýsing á verkefninu á íslensku, að hámarki 150 orð, sem verður nýtt til almennrar umfjöllunar og kynningar, hljóti verkefnið styrk.
• Veigameiri lýsing á rannsóknarverkefni á íslensku EÐA ensku, að hámarki 800 orð. Þar er gerð grein fyrir fræðilegum forsendum verksins, aðferðafræði, helstu niðurstöðum og vísindalegu gildi þess. Fram komi hvort doktorsritgerðin er eitt heildstætt og samfellt verk eða safn greina.
• Tímaáætlun verkefnisins frá dagsetningu umsóknar í Menntasjóð til lokaskila til deildar þar sem skýrt komi fram hvaða verkþáttum er ólokið. Miðað er við að doktorsritgerð verði skilað innan sex mánaða frá því að styrkur er veittur eða fyrir árslok 2026.
• Rökstuðningur fyrir því hvernig styrkurinn muni nýtast umsækjanda við að ljúka ritgerðinni.
• Umsækjandi geri grein fyrir þeim styrkjum sem hann hefur hlotið á námstímanum. Sérstök áhersla er lögð á að ekki verður veittur styrkur ef umsækjandi þiggur greiðslur úr öðrum rannsóknarsjóði samtímis, en ef umsækjandi er með styrk þar sem greiðslum lýkur að fullu 1. september eða fyrr telst umsóknin styrkhæf,
• Staðfesting frá leiðbeinanda og fulltrúum í doktorsnefnd á því að nefndin telji doktorsnema geta lagt ritgerð fram til deildar innan sex mánaða frá því að styrkur er veittur, þ.e. fyrir árslok 2026. 

Áhersla er lögð á vandaða og raunsæja tímaáætlun, þar sem umsækjandi gerir grein fyrir því hvernig hann muni geta náð að skila ritgerð sinni fyrir árslok, ef hann skyldi hljóta styrk.

Farið er með allar umsóknir sem trúnaðarmál. Stjórn sjóðsins áskilur sér rétt til að hafna öllum umsóknum og/eða úthluta styrkjum með öðrum hætti. 

Gert er ráð fyrir að styrkþegi skili sjóðnum skýrslu með helstu niðurstöðum og árangri af verkefninu þegar því lýkur.

Stjórn sjóðsins áskilur sér rétt til að veita fleiri en einum umsækjanda styrk, hafna öllum og/eða úthluta styrkjum með öðrum hætti.

2024

• Claude Nassar
• Katrín Lísa van der Linde Mikaelsdóttir
• Nuria Frías Jiménez 

Sjá umfjöllun um styrkhafa 2024.

2023

• Pontus Erik Gunnar Järvstad
• Rósa María Hjörvar
• Sylvia Marsibil Bates

Sjá umfjöllun um styrkhafa 2023.

2022

• Atli Antonsson
• Lísabet Guðmundsdóttir
• Romina Werth

Sjá umfjöllun um styrkhafa 2022.

2021

• Dalrún J. Eygerðardóttir
• Elin Ahlin Sundman
• Zachary Jordan Melton

Sjá umfjöllun um styrkhafa 2021.

2020

• Carmen Quintana Cocolina
• Joe Wallace Walser III
• Katelin M. Parsons

Sjá umfjöllun um styrkhafa 2020.