Fjórir nemendur í stærðfræði við Háskóla Íslands hafa hlotið viðurkenningu úr Verðlaunasjóði Sigurðar Helgasonar prófessors fyrir frábæran námsárangur. Heildarupphæð verðlauna er 8.000 bandaríkjadalir, jafnvirði nærri 900 þúsund króna.
Þrír barnalæknar hafa hlotið viðurkenningu úr Verðlaunasjóði Óskars Þórðarsonar læknis fyrir árangur í rannsóknum.
Tólf vísindamenn og nemendur við Háskóla Íslands eru á leiðinni til Japans til náms og rannsókna og fjórir japanskir nemendur koma til náms við Háskóla Íslands fyrir tilstilli Watanabe-styrktarsjóðsins við Háskóla Íslands.
Þrír styrkir hafa verið veittir til rannsókna á sviði bæklunarlækninga með áherslu á stoðkerfissjúkdóma úr Sjóði Sigríðar Lárusdóttur við Háskóla Íslands.
Tíu styrkir hafa verið veittir úr Styrktarsjóði Áslaugar Hafliðadóttur til verkefna sem öll miða að því að efla íslenska tungu á tímum hraðra tæknibreytinga.
Fjórir doktorsnemar við Lyfjafræðideild Háskóla Íslands hafa hlotið viðurkenningu úr Verðlaunasjóði Bergþóru og Þorsteins Schevings Thorsteinssonar lyfsala.
Gunnar Marel Hinriksson, meistaranemi við Sagnfræði- og heimspekideild Háskóla Íslands, hlýtur styrk úr Sagnfræðisjóði Björns Þorsteinssonar til að rannsaka stjórnkerfi einveldis Danakonungs á Íslandi á síðari hluta 17. aldar.
Valentin Oliver Loftsson, BS-nemi í hugbúnaðarverkfræði, hefur hlotið styrk úr Minningarsjóði Þorvalds Finnbogasonar stúdents. Frú Vigdís Finnbogadóttir, systir Þorvalds, afhenti styrkinn við hátíðlega athöfn á Litla torgi í dag, fimmtudaginn 21. desember.
Á haustmánuðum 2016 komu saman margir að frestum sérfræðingum heims á sviði stoðtækjaframleiðslu til fundar og stefnumótunar í Háskóla Íslands í tengslum við nýstofnaðan rannsóknasjóð stoðtækjaframleiðendanna Össurar og Ottobock við skólann.
Þrír nemendur í framhaldsnámi erlendis hafa fengið styrki úr Ingjaldssjóði við Háskóla Íslands. Styrkjum var úthlutað úr sjóðnum í annað sinn við hátíðlega athöfn í tilefni af 20 ára afmæli meistaranáms við Viðskiptafræðideild föstudaginn 17. nóvember og nemur heildarupphæð styrkja 2,1 milljón króna.
Fimm verkefni sem snúa m.a. að nýsköpun í kennsluháttum hljóta styrk úr Sjóði Steingríms Arasonar í ár. Styrkjum var úthlutað við hátíðlega athöfn í húsnæði Menntavísindasviðs Háskóla Íslands í gær, miðvikudaginn 25. október, en þetta var í fyrsta sinn sem úthlutað er úr sjóðnum.
Styrkur var veittur til doktorsrannsóknar á verkjameðferðum á Íslandi úr Rannsóknasjóði Ingibjargar R. Magnúsdóttur á dagskrá sem haldin var til heiðurs Ingibjörgu fimmtudaginn 28. október á Hilton Reykjavík Nordica.