Stjórn Styrktarsjóðs Listasafns Háskóla Íslands hefur ákveðið að veita styrk úr sjóðnum í tilefni af aldarafmæli háskólans árið 2011.
Hlutverk sjóðsins er að efla rannsóknir á íslenskri myndlist að fornu og nýju. Í því skyni skulu veittir styrkir af ráðstöfunarfé sjóðsins til rannsókna á sviði íslenskrar myndlistar, myndlistarsögu og forvörslu myndverka svo og til birtingar á niðurstöðum slíkra rannsókna.
Umsóknarfrestur er til 6. maí 2011 og áætlað er að úthlutun fari fram í sama mánuði. Val styrkhafa er í höndum sjóðsstjórnar en hana skipa Salvör Nordal formaður, Hjálmar H. Ragnarsson og Vilhjálmur Lúðvíksson.
Frekari upplýsingar um styrkveitingu og úthlutun er að finna á heimasíðu Háskóla Íslands, www.hi.is, sjóðavef Háskóla Íslands, www.sjodir.hi.is, og hjá Auði Ólafsdóttur, safnstjóri Listasafns Háskóla Íslands, auo@hi.is, sími 525-4411.
Styrktarsjóður Listasafns Háskóla Íslands var stofnaður árið 1999 af Sverri Sigurðssyni og eitt meginhlutverk hans er að stuðla að rannsóknum á íslenskri myndlistarsögu.
Styrktarsjóður Listasafns Háskóla Íslands
Rafrænn markpóstur (pdf.)