Soffía Þuríður Magnúsdóttur var fædd 3. júlí 1922. Þuríðarnafnið fékk hún eftir móðurömmu sinni. Soffía var einkadóttir og frumburður foreldra sinna, þeirra Bjargar Magnúsdóttur ljósmóður og Magnúsar Jónassonar, sem bjuggu allan sinn búskap í Túngarði á Fellsströnd. Hún átti einn bróður, Gest, sem var tveimur árum yngri en hún.

Soffía var snemma mjög bráðger og þegar hún var fimmta ára orti Björg móðir hennar um hana vísu:

Soffía með sinni glatt,
síst hún kvíðir nokkru fári.
Les hún sögur leifturhratt,
lítil snót á fimmta ári.

Greinargerð um Soffíu skrifuð af frænku hennar Guðfinnu Ragnarsdóttur.

Stjórn minningarsjóðsins skal skipuð af rektor Háskóla Íslands til tveggja ára í senn. Rektor Háskóla Íslands tilnefnir einn en Háskólaráð tvo.

Í stjórn sjóðsins sitja:

• Ólöf Ásta Ólafsdóttir, ljósmóðir og lektor, gegnir starfi formanns stjórnar, olofol@hi.is.
• Guðlaug Einarsdóttir, gudlaug.einarsdottir@hrn.is
• Herdís Sveinsdóttir prófessor, herdis@hi.is.

Sjóðurinn starfar samkvæmt staðfestri skipulagsskrá og hefur sjálfstætt starfandi stjórn.

Staðfest skipulagsskrá.

Úthlutunarreglur sjóðsins uppfærðar í október 2013.

Auglýsing um umsóknartímabil er sett á vef sjóða og á vef Háskóla Íslands. Einungis er opið fyrir umsóknir á auglýstum umsóknartíma.

Óskað er eftir að í umsókn komi fram:
 

• Nafn umsækjanda, kennitala, heimilisfang, sími og virkt netfang.
• Helstu atriði úr náms- og starfsferli og ritaskrá umsækjenda/leiðbeinanda síðastliðin 5 ár.
• Heiti og lýsing á rannsóknarverkefni, markmið, aðferðir og vísindalegt gildi (að hámarki 1000 orð). Ítarlegri rannsóknaráætlun má fylgja með sem fylgiskjal.
• Hnitmiðuð lýsing á verkefninu, að hámarki 150 orð, sem verður nýtt til almennrar umfjöllunar og kynningar, hljóti verkefnið styrk.
• Tímaáætlun, fjárhagsáætlun og helstu samstarfsaðilar verkefnisins.
• Hvernig styrkurinn verði notaður.
• Annar fjárhagslegur stuðningur.
• Nöfn, símanúmer og netföng þeirra sem leita má til um meðmæli.

Hámarkslengd umsóknar er þrjár síður fyrir utan fylgiskjöl.  Farið er með allar umsóknir sem trúnaðarmál.

Áhersla er lögð á vönduð fræðileg vinnubrögð við gerð umsóknar. Gert er ráð fyrir að styrkþegi skili sjóðnum skýrslu með helstu niðurstöðum og árangri af verkefninu þegar því lýkur. 

Stjórn sjóðsins áskilur sér rétt til að veita fleiri en einum umsækjanda styrk, hafna öllum og/eða úthluta styrkjum með öðrum hætti. 

2024

• Berglind Hálfdánsdóttir
• Edythe Laquindanum Mangindin
• Embla Ýr Guðmundsdóttir
• Valgerður Lísa Sigurðardóttir og Emma Marie Swift

Sjá umfjöllun um styrkhafa 2024.

2022

• Embla Ýr Guðmundsdóttir
• Emma Marie Swift 
• Valgerður Lísa Sigurðardóttir

Sjá umfjöllun um styrkhafa 2022.

2020

• Embla Ýr Guðmundsdóttir 
• Emma Marie Swift og Valgerður Lísa Sigurðardóttir

Sjá umfjöllun um styrkhafa 2020.

2015

• Emma Marie Swift
• Valgerður Lísa Sigurðardóttir

Sjá umfjöllun um styrkhafa 2015.