Tilgangur sjóðsins er að veita norrænum mönnum og konum verðlaun fyrir rannsóknir í lyfjafræði og lyflæknisfræði og fyrir ritgerðir um þau efni, byggðar á sjálfstæðum rannsóknum.
Tilgangur sjóðsins er að veita norrænum mönnum og konum verðlaun fyrir rannsóknir í lyfjafræði og lyflæknisfræði og fyrir ritgerðir um þau efni, byggðar á sjálfstæðum rannsóknum.
Úthlutunarnefnd getur einnig tekið til sérstakt verkefni til rannsóknar og veitt verðlaun fyrir besta úrlausn. Enn fremur má veita styrk til framhaldsnáms í áðurtöldum greinum.
Sjóðurinn var stofnaður 17. janúar 1955 á aldarafmæli Alfreds Benzons lyfsala og verksmiðjueiganda í Kaupmannahöfn.
Alfred Benzon (17. janúar 1855 – 21. maí 1932) var danskur lyfjafræðingur, kaupsýslumaður og stjórnmálamaður. Hann var formaður lyfjafræðingafélagsins í Danmörku frá 1894 til 1926. Hann var einnig virkur í stjórnmálum, bæði sem fulltrúi í borgarstjórn Kaupmannahafnar frá 1896 til 1908 og í danska þinginu frá 1901 til 1903.
Ekki er starfandi stjórn í sjóðnum.
Samkvæmt skipulagsskrá ákveður rektor úthlutun úr sjóðnum hverju sinni og hefur um það frjálsar hendur. Skal hann leita samráðs við forseta Lyfjafræðideildar.
Auglýsing um umsóknartímabil er sett á vef sjóða og á vef Háskóla Íslands. Einungis er opið fyrir umsóknir á auglýstum umsóknartíma.
Ekki er vitað til þess að úthlutað hafi verið úr sjóðnum.
Styrktarsjóðir eru mikil lyftistöng fyrir Háskóla Íslands. Skólinn hefur notið mikils velvilja af hálfu fjölmargra einstaklinga á undanförnum árum en þeir hafa af miklum rausnarskap lagt fé í styrktarsjóði sem allir miða að því að efla vísindarannsóknir og afla nýrrar þekkingar, samfélaginu til heilla.