Tilgangur sjóðsins er að styrkja rannsóknir á dulrænum fyrirbærum og meintri dulrænni reynslu í anda þeirra rannsókna sem Erlendur Haraldsson sinnti á starfsferli sínum.
Tilgangur sjóðsins er að styrkja rannsóknir á dulrænum fyrirbærum og meintri dulrænni reynslu í anda þeirra rannsókna sem Erlendur Haraldsson sinnti á starfsferli sínum.
Einnig má styrkja rannsóknir í heilsusálfræði, trúarlífssálfræði og skyldum greinum. Þá má verðlauna nemendur fyrir sérlega athyglisverð fullunnin verkefni á þessum sviðum. Gera skal kröfu um aðferðafræðilega vönduð vinnubrögð.
Styrkir eru veittir til rannsóknaverkefna sem falla að tilgangi sjóðsins. Styrkþegar skulu vera kennarar við Háskóla Íslands, fræðimenn innan og utan Háskóla Íslands, og nemendur í meistara- eða doktorsnámi við Háskóla Íslands.
Sjóðurinn er stofnaður árið 2007 af dr. Erlendi Haraldssyni sálfræðingi og prófessor við Háskóla Íslands frá 1974 til 1999. Hann kenndi lengstum námskeið um tilraunasálfræði, sálfræðileg próf og aðferðafræði og var mikilvirkur rannsóknarmaður eins og sjá má af ritskrá hans.
Stór hluti rannsókna Erlendar fjallar á einn eða annan hátt um svonefnd dulræn fyrirbæri eða meinta dulræna reynslu (tilraunir, kannanir og vettvangsrannsóknir). Áður höfðu sinnt slíkum rannsóknum við Háskóla Íslands þeir Ágúst H. Bjarnason prófessor í Heimspekideild, Guðmundur Hannesson prófessor í Læknadeild og Haraldur Níelsson prófessor í Guðfræðideild.
Nánar má lesa um Erlend í fréttinni Er líf á undan og eftir þessu?
Sjóðurinn starfar samkvæmt staðfestri skipulagsskrá og hefur sjálfstæða stjórn.
Stjórn sjóðsins skipa þrír menn og er skipunartími stjórnar þrjú ár. Rektor Háskóla Íslands skipar formann sjóðsins og skal taka mið af tilgangi sjóðsins við tilnefningu í stjórn. Forseti Félagsvísindadeildar skipar einn mann og skal það vera fræðimaður sem sinnt hefur verkefnum eða fræðasviðum sem falla undir tilgang sjóðsins. Forseti Parapsychological Association, sem eru alþjóðleg samtök fræðimanna um rannsóknir meintra dulrænna fyrirbæra, tilnefnir einn mann.
Sitjandi stjór var stofnuð árið 2007 í kjölfar stofnunar sjóðsins.
Í stjórn sjóðsins sitja:
Auglýsing um umsóknartímabil er sett á vef sjóða og á vef Háskóla Íslands. Einungis er opið fyrir umsóknir á auglýstum umsóknartíma.
Styrktarsjóðir eru mikil lyftistöng fyrir Háskóla Íslands. Skólinn hefur notið mikils velvilja af hálfu fjölmargra einstaklinga á undanförnum árum en þeir hafa af miklum rausnarskap lagt fé í styrktarsjóði sem allir miða að því að efla vísindarannsóknir og afla nýrrar þekkingar, samfélaginu til heilla.