Veitt var í fyrsta skipti úr styrktarsjóðnum árið 2000 og fyrstu þrjú árin þe. 2000, 2001 og 2002 var veitt úr sjóðnum árlega.  Styrkupphæðir hafa verið á bilinu krónur 150.000-700.000.

Sjóðurinn starfar samkvæmt staðfestri skipulagsskrá og hefur sjálfstætt starfandi stjórn.

Stjórn Listasafns Háskólans skipar jafnframt stjórn sjóðsins. Í stjórninni sitja:

• Æsas Sigurjónsdóttir formaður
• Magnús Diðrik Baldursson, skrifstofustjóri rektorsskrifstofu
• Anrdís Vilhjálmsdóttir, f.h. gefenda safneignar

Staðfest skipulagsskrá Styrktarsjóðs Listasafns Háskóla Íslands (PDF).

Auglýsing um umsóknartímabil er sett á vef sjóða og á vef Háskóla Íslands. Einungis er opið fyrir umsóknir á auglýstum umsóknartíma.

2013

• Birta Guðjónsdóttir
• Jóhannes Dagsson

Sjá umfjöllun um styrkhafa 2013. 

2011

• Arndís S. Árnadóttir 
• Jón B. K. Ransu 

Sjá umfjöllun um styrkhafa 2011. 

2008

• Margrét Elísabet Ólafsdóttir fagurfræðingur fær styrk til rannsókna á íslenskri vídeólist og útgáfu á niðurstöðum rannsókna.

2005

• Hrafnhildur Schram listfræðingur fær styrk til  dvalar í Danmörku til að rannsaka frumheimildir og taka viðtöl vegna bókar um listakonuna Júlíönu Sveinsdóttur (1889-1966).
• Viktor Smári Sæmundsson forvörður  fær styrk til að stunda rannsóknir á nafnskriftum (höfundarmerkingum) frumherja íslenskrar myndlistar, einkum þeim Sigurði málara Guðmundssyni, Þórarni B. Þorlákssyni, Ásgrími Jónssyni, Jóhannesi S. Kjarval, Guðmundi Thorsteinssyni, Jóni Stefánssyni og Júlíönu Sveinsdóttur.

2004

• Ólafur Gíslason listfræðingur fær styrk til  rannsókna á landslagi og rými í verkum Sigurðar Guðmundssonar  í samhengi við heimspekikenningar Martins Heidegger, Maurice Merleu-Ponty og Jean-Luc Nancy.
• Margrét Elísabet Ólafsdóttir fagurfræðingur fær styrk til rannsókna og útgáfu rannsókna á íslenskri raflist, s.s. skjálist, netlist og hljóðlist.
• Davíð Ólafsson sagnfræðingur styrk til að til útgáfu á sögu Myndlista-og handíðaskóla Íslands.

2002

• Nathalie Jacqueminet listfræðingur og forvörður fær styrk til hönnunar gagnagrunns til skráningar á listaverkum sem eru ekki í eigu safna.
• Kristín Guðnadóttir listfræðingur fær styrk til að rannsaka Kaupmannahafnarár Jóhannesar Sveinssonar Kjarvals, þ.e. tímabilið 1912-1922 með það fyrir augum að kanna tengsl Kjarvals við danska og evrópska samtímalist og skilgreina áhrif einstakra listamanna og stílgerða á þróun Kjarvals.
• Markús Þór Andrésson myndlistarmaður fær styrk til undirbúnings vinnslu heimildarefnis fyrir sjónvarp um íslenska samtímamyndlist.

2001

• Félagið Íslensk Grafík fær styrk til að hefja skráningu á sögu Grafíkfélagsins með það fyrir augum að koma henni á prent.
• Ólafur J. Engilbertsson fær styrk til að vinna að útgáfu rits um Leikmyndlist á Íslandi.
• Níels Hafstein fær styrk fyrir hönd Safnasafnsins á Svalbarðsströnd til að vinna að textum til útgáfu um íslenska alþýðumyndhöggvara.

2000

• Ólafur Ingi Ólafsson málverkaforvörður hlýtur styrk fyrir rannsóknir sínar á fölsuðum málverkum og fyrir að eiga mikilvægan þátt í koma í veg fyrir sölu og áframhaldandi falsanir á málverkum, bæði hér heima og í Danmörku.

  Með rannsóknarvinnu sinni taldi stjórn sjóðsins að Ólafur Ingi hefði unnið ómetanlegt starf í þágu íslenskra myndlistarmanna.
  Rannsóknirnar ná aftur til ársins 1996 en þá hóf Ólafur Ingi að eigin frumkvæði rannsóknir íslenskum málverkum sem grunur lék á að gætu verið fölsuð. Rannsóknirnar felast m.a. í ítarlegum heildarrannsóknum á verkunum sjálfum, s.s. smásjárrannsóknum, rannsóknum undir útfjólubláu ljósi, ásamt nákvæmum samanburði á hinum ýmsu þáttum málverkanna við önnur verk. Þá eru gerðar rannsóknir á sýnum, m.a. bindiefnagreining og kallaðir hafa verið til sérfræðingar í ýmsum efnum, bæði erlendir og innlendir, meðal annars frá Raunvísindastofnun Háskóla Íslands.

  Fölsunarmálið á sér ekki fordæmi hér á landi hvað umfang snertir, en með rannsóknarvinnu sinni taldi stjórn Styrktarsjóðs Listasafns Háskólans Ólaf Inga Jónsson hafa gert hvort tveggja, að koma í veg fyrir aðslíkir hlutir endurtaki sig í náinni framtíð hér á landi og að votta látnum myndlistarmönnum, - flestum af brautryðjendakynslóðinni -  sem eignuð hafa verið fölsuð verk, virðingu sína og annarra.