Veittir hafa verið fimm styrkir úr Styrktarsjóði Stofnunar Vigdísar.
Í dag voru veittir styrkir til þriggja nemenda úr Watanabe styrktarsjóðnum við Háskóla Íslands. Doktorsnemi og BA-nemi frá Háskóla Íslands fengu styrki til námsdvalar í Japan og doktorsnemi frá Japan fékk styrk til að nema við Háskóla Íslands. Athöfnin fór fram í Hátíðasal Háskóla Íslands að viðstöddum stofnanda sjóðsins Toshizo Watanabe.
Sverrir Jakobsson, aðjunkt í sagnfræði við Háskóla Íslands, hefur hlotið styrk úr sjóði Selmu og Kays Langvads. Stjórn sjóðsins afhenti styrkinn í dag á skrifstofu rektors, föstudaginn 4. febrúar 2011. Styrkurinn er veittur til að efla samskipti og rannsóknasamstarf Háskóla Íslands við danskar stofnanir og háskóla.
Guðrún Þengilsdóttir og Maria Dolores Moya Ortega, doktorsnemar við Lyfjafræðideild Háskóla Íslands, hafa hlotið viðurkenningu úr Verðlaunasjóði Bergþóru og Þorsteins Schevings Thorsteinssonar lyfsala.
Þann 25. janúar sl. afhenti Jón Sigvaldason Rannsóknasjóði Ingibjargar R. Magnúsdóttur gjafabréf að upphæð 100 þúsund krónur. Gjöfin er til minningar um eigikonu hans, Mary Alberty Sigurjónsdóttur heilsuverndarhjúkrunarkonu.
Úthlutað var úr Minningarsjóði Þorvalds Finnbogasonar stúdents við hátíðlega athöfn í Norræna húsinu í dag, þriðjudaginn 21. desember. Styrkinn hlaut að þessu sinni Eiríkur Þór Ágústsson, BS-nemi í rafmagns- og tölvuverkfræði við Háskóla Íslands.
Þorsteinn Vilhjálmsson, prófessor í eðlisfræði og vísindasögu, hefur hlotið styrk úr Almanakssjóði til að vinna að útgáfu á bókinni Efni og eindir, ljós og skammtar, með þýðingu á ritgerðum eftir Albert Einstein frá árinu 1905 ásamt inngangsorðum og öðru stoðefni fyrir almenna íslenska lesendur.
Íslenska stærðfræðafélagið hefur hlotið styrk úr Almanakssjóði til að þróa frekar hugtakasafn félagsins. Stefnt er að því að þar megi finna skilgreiningar og útskýringar á öllum stærðfræðihugtökum sem íslenskir nemendur, foreldrar skólabarna og allur almenningur gæti haft ástæðu og áhuga til að forvitnast um.
Á degi Hjúkrunarfræðideildar, 1. október, voru veittir þrír styrkir til doktorsnema í hjúkrunarfræðum úr Rannsóknasjóði Ingibjargar R. Magnúsdóttur.
Aukin tengsl Verkfræði- og náttúruvísindasviðs HÍ við danska háskóla. Guðmundur Freyr Úlfarsson, prófessor í samgönguverkfræði, hefur hlotið styrk úr sjóði Selmu og Kays Langvads. Stjórn sjóðsins afhenti styrkinn í dag á skrifstofu rektors, mánudaginn 13. september.
Veittur hefur verið styrkur að fjárhæð 2,2 milljónir króna úr Styrktarsjóði Margaret og Bent Scheving Thorsteinssonar til rannsóknar á einelti gegn börnum á Íslandi.
Kristín Lena Þorvaldsdóttir, meistaranemi í íslenskri málfræði, hefur hlotið viðurkenningu úr Minningarsjóði dr. phil. Jóns Jóhannessonar. Styrkurinn nemur 200.000 þúsund krónum.