Fjórir styrkir hafa verið veittir til rannsókna á sviði ljósmóðurfræða úr Minningarsjóði Bjargar Magnúsdóttur ljósmóður og Magnúsar Jónassonar bónda við Háskóla Íslands. Styrkhafar eru Berglind Hálfdánsdóttir, Edythe Laquindanum Mangindin, Embla Ýr Guðmundsdóttir, Valgerður Lísa Sigurðardóttir og Emma Marie Swift.
Veittur hefur verið styrkur úr Sjóði Páls Guðmundssonar frá Rjúpnafelli til kynningar á bókinni Icelandic Heritage in North America sem kom út á ensku hjá University of Manitoba Press á síðasta ári. Ritstjórar eru Birna Arnbjörnsdóttir, Höskuldur Þráinsson og Úlfar Bragason, prófessorar emeriti.
STAFN – Styrktarsjóður Brynju Einarsdóttur og Arnar Almarssonar hefur verið stofnaður undir hatti Styrktarsjóða Háskóla Íslands. Jón Atli Benediktsson, rektor Háskóla Íslands, undirritaði skipulagsskrá sjóðsins ásamt stofnendum sjóðsins, þeim Brynju og Erni.
Trausti Lúkas Adamsson, BS-nemi á þriðja ári í vélaverkfræði við Háskóla Íslands, hefur hlotið styrk úr Minningarsjóði Þorvalds Finnbogasonar stúdents. Frú Vigdís Finnbogadóttir, systir Þorvalds, afhenti styrkinn.
Rannsóknir og vísindamiðlunarverkefni sem snerta m.a. sólmyrkvann 2026, kjarnorkuvopnakapphlaup Bandaríkjanna og Rússlands, Vísindakakó fyrir fróðleiksfús ungmenni, nýsköpun í sálfræði á 19. og 20. öld og sögu rannsókna á segulsviði jarðar eru meðal þeirra sem fengið hafa styrki úr Vísindum og velferð: Styrktarsjóði Sigrúnar og Þorsteins.
Átta námsstyrkir og einn styrkur til doktorsrannsóknar hafa verið veittir úr Þórsteinssjóði til blindra og sjónskertra stúdenta við Háskóla Íslands. Þetta er í tólfta skipti sem styrkjum er úthlutað úr sjóðnum og nemur upphæð styrkjanna samtals 10 milljónum króna.
Three grants for research on neural controlled prosthetic limbs have been bestowed by the Össur and Ottobock Research Trust Fund at the University of Iceland. This is the first time allocations are made from the fund, and the combined amount of the three grants is 117 million ISK/850.000 USD
Three grants for research on neural controlled prosthetic limbs have been bestowed by the Össur and Ottobock Research Trust Fund at the University of Iceland. This is the first time allocations are made from the fund, and the combined amount of the three grants is 117 million ISK/850.000 USD
Jón Valur Björnsson, nemandi á þriðja ári í stærðfræði við Raunvísindadeild Háskóla Íslands, hefur hlotið viðurkenningu úr Verðlaunasjóði Sigurðar Helgasonar prófessors fyrir frábæran námsárangur.
Veittir hafa verið fjórir styrkir til doktorsnema og fræðafólks á Menntavísindasviði Háskóla Íslands úr Sjóði Steingríms Arasonar. Jón Atli Benediktsson, rektor HÍ, afhenti styrkina við hátíðlega athöfn í Stakkahlíð við lok opnunarmálstofu Menntakviku, árlegrar ráðstefnu Menntavísindasviðs.
Doktorsverkefni þriggja nemenda á Menntavísindasviði HÍ sem snerta leiklist í stærðfræðikennslu, áhrif næringarfræðslu á fæðuöryggi viðkvæmra hópa og áhrif leiðtoganáms Menntafléttu á kennsluhætti og stöðu skóla hafa hlotið styrk úr Styrktar- og rannsóknarsjóði Þuríðar J. Kristjánsdóttur.
Þrír styrkir til doktorsrannsókna í ljósmóður- og hjúkrunarfræði voru veittir úr Rannsóknasjóði Ingibjargar R. Magnúsdóttur við Háskóla Íslands þegar 50 ára afmæli kennslu í hjúkrunarfræði við skólann var fagnað í Hátíðasal Aðalbyggingar föstudaginn 29. september.