Verðlaunahafar og fulltrúar þeirra við úthlutun í Norræna húsinu í gær. Frá vinstri: Sigríður Júlía Quirk, Elías Sæbjörn Eyþórsson og Deborah Olafsson, sem tók við viðurkenningunni fyrir hönd sonar síns, Samúels Sigurðssonar.

Þrjár viðurkenningar fyrir árangur á rannsóknum tengdum bólusetningum barna á Íslandi hafa verið veittar úr Verðlaunasjóði Óskars Þórðarsonar læknis.
Jón Atli Benediktsson og Kolbrún Pálsdóttir takast í hendur við stofnun sjóðsins.

Styrktar- og rannsóknasjóður Þuríðar J. Kristjánsdóttur hefur verið stofnaður undir hatti Styrktarsjóða Háskóla Íslands.
Þrjú verkefni sem snúa að skapandi kennsluháttum hljóta styrk úr sjóði Steingríms Arasonar í ár. Á myndinni má sjá styrkhafa ásamt Jóni Atla Benediktssyni, rektor Háskóla Íslands og Kolbrúnu Þ. Pálsdóttur, forseta Menntavísindasviðs.

Þrjú verkefni sem snúa að skapandi kennsluháttum hljóta styrk úr Sjóði Steingríms Arasonar í ár. Styrkjum var úthlutað við hátíðlega athöfn í húsnæði Menntavísindasviðs Háskóla Íslands föstudaginn 4. október síðastliðinn, en þetta var í annað sinn sem úthlutað er úr sjóðnum.
Atli Fannar Franklín tekur við verðlaunum frá Jóni Atla Benediktssyni, rektor.

Atli Fannar Franklín, nemandi í stærðfræði við Háskóla Íslands, hefur hlotið viðurkenningu úr Verðlaunasjóði Sigurðar Helgasonar prófessors fyrir frábæran námsárangur.
Styrkþegar ásamt Ingibjörgu R. Magnúsdóttur, stofnanda sjóðsins, og Jóni Atla Benediktssyni, rektor Háskóla Íslands.

Þrír styrkir hafa verið veittir úr Rannsóknasjóði Ingibjargar R. Magnúsdóttur til doktorsrannsókna í hjúkrunarfræði við HÍ. Í rannsóknunum er meðal annars fjallað um umönnun fólks með heilabilun í heimahúsi, ávinning hugrænnar atferlismeðferðar fyrir einstaklinga með athyglisbrest og áhrif brjóstagjafar og mikilvægi hennar fyrir síðfyrirbura
Stjórn Menntasjóðs Hugvísindasviðs við stofnun sjóðsins.

Menntasjóður Hugvísindasviðs Háskóla Íslands hefur verið stofnaður á grundvelli sameiningar fimm styrktarsjóða skólans sem hafa verið óvirkir um árabil.
Tinna Laufey Ásgeirsdóttir, prófessor við Hagfræðideild, tekur við styrknum úr hendi Jóns Atla Benediktssonar, rektors Háskóla Íslands.

Rannsókn sem miðar að því að meta til fjár miska vegna eineltis hefur hlotið styrk úr Styrktarsjóði Margaretar og Bents Schevings Thorsteinssonar við Háskóla Íslands. Styrkhafi er Tinna Laufey Ásgeirsdóttir, prófessor við Hagfræðideild Háskóla Íslands, og nemur styrkurinn 1,2 milljónum króna.   
 
Toshizo Watanabe ásamt forseta Íslands, rektor Háskóla Íslands, eiginkonu sinni og sendiherra Japans á Íslandi.

Toshizo Watanabe, stofnandi Watanabe-styrktarsjóðsins við Háskóla Íslands, var sæmdur hinni íslensku fálkaorðu af forseta Íslands, Guðna Th. Jóhannessyni, við hátíðlega athöfn á Bessastöðum 22. maí sl. Orðuna fékk Watanabe fyrir framlag sitt til eflingar fræða- og menntasamstarfi milli Íslands og Japans.
Styrkhafar og fulltrúar þeirra ásamt rektor Háskóla Íslands, Watanabe-hjónunum, sendiherra Japans, Vigdísi Finnbogadóttur, fyrrverandi forseta Íslands, og stjórn Watanabe-styrktarsjóðsins.

Fjórtán nemendur og vísindamenn við Háskóla Íslands halda til Japans til náms og rannsókna og von er á tíu nemendum og vísindamönnum frá japönskum háskólum hingað til lands í sömu erindagjörðum. 
Styrkþegar og fulltrúar þeirra ásamt rektor Háskóla Íslands og stjórn Áslaugarsjóðs.

Tíu styrkir hafa verið veittir úr Styrktarsjóði Áslaugar Hafliðadóttur til verkefna sem öll miða að því að efla íslenska tungu á tímum hraðra tæknibreytinga.
Styrkhafarnir María Sigurðardóttir og Sigrún Sunna Skúladóttir að lokinni afhendingu styrkjanna á dögunum.

Tveir styrkir hafa verið veittir til rannsókna á sviði bæklunarlækninga með áherslu á stoðkerfissjúkdóma úr Sjóði Sigríðar Lárusdóttur við Háskóla Íslands. Styrkhafar eru María Sigurðardóttir, og Sigrún Sunna Skúladóttir.
Styrkhafarnir Valgerður Lísa Sigurðardóttir, Inga Valgerður Kristinsdóttir og Ingibjörg Margrét Baldursdóttir við afhendingu styrkjanna í Norræna húsinu.

Þrír styrkir hafa verið veittir úr Rannsóknasjóði Ingibjargar R. Magnúsdóttur til doktorsrannsókna í hjúkrunar- og ljósmóðurfræði við Háskóla Íslands.