Styrkhafar Eggertssjóðs ásamt rektor HÍ. Frá vinstri: Jón Atli Benediktsson, rektor Háskóla Íslands, Enikö Bali lektor, Esther Ruth Guðmundsdóttir lektor, Sigurður S. Snorrason prófessor, Zophonías O. Jónsson prófessor, Dr. Þorkell Guðjónsson, Dr. Sævar Ingþórsson og Dr. Isabel P.C. Barro.

Veittir hafa verið fimm styrkir úr Eggertssjóði til vísindamanna við Háskóla Íslands, þrír til rannsókna og tveir til tækjakaupa sem tengjast rannsóknum. Styrkirnir nema samtals fimm milljónum króna og voru afhentir við athöfn á Háskólatorgi 14. september.
Melkorka Edda Freysteinsdóttir við verk sitt.

Rannsókn sem miðar að því að kanna hvort andlegur innblástur eigi við í nútímanum í sköpun lista og þá með hvaða hætti hlaut styrk á dögunum úr Styrktarsjóði Erlendar Haraldssonar.
Rannveig Ágústa Guðjónsdóttir veitir styrknum viðtöku úr höndum Jóns Atla Benediktssonar

Rannsókn sem miðar að því að greina kynferðiseinelti í íslenskri skólamenningu hefur hlotið styrk úr Styrktarsjóði Margaretar og Bents Schevings Thorsteinsonar við Háskóla Íslands. Styrkhafi er Rannveig Ágústa Guðjónsdóttir.
Frá vinstri: Guðrún Scheving Thorsteinsson, Anna Margrét Magnúsdóttir, Margareta Scheving Thorsteinsson, Vanda Sigurgeirsdóttir og Kristín Ingólfsdóttir.

Tvær rannsóknir, sem miða að því að greina bestu aðferðir til að vinna gegn einelti og skoða einelti út frá viðhorfum nemenda og kennara, hafa hlotið styrki úr Styrktarsjóði Margaretar og Bents Schevings Thorsteinsonar við Háskóla Íslands.
Styrkþegar úr Watanabe-styrktarsjóðnum og fulltrúar þeirra við athöfnina í gær ásamt Toshizo Watanabe, stofnanda sjóðsins, Jóni Atla Benediktssyni, rektor Háskóla Íslands, Mitsuko Shino, sendiherra Japans á Íslandi, og stjórnarmönnum í sjóðnum, þeim Má Mássyni og Ingimundi Sigfússyni.

Ellefu nemendur og starfsmenn Háskóla Íslands og þrír nemendur og starfsmenn við japanska háskóla hljóta styrki úr Watanabe-styrktarsjóðnum við Háskóla Íslands í ár. 
Erlendur Haraldsson í fjörunni á Nesinu. Erlendur ólst upp á Seltjarnarnesi fyrir miðja síðustu öld, en Nesið var þá vart farið að byggjast upp. Það var þá sveit með fáeinum kúabúum og nokkrum húsum fólks, sem starfaði í Reykjavík. Þarna luktist faðmur náttúrunnar um lítinn dreng og leiddi hann á vit fuglanna og frelsisins í fjörunni.

 „Ýmsar rannsóknir  gefa vísbendingar um, að bæði sé líf á undan og eftir þessu.“  Þetta segir Erlendur Haraldsson, fyrrverandi prófessor í sálfræði við Háskóla Íslands og stofnandi Styrktarsjóðs Erlendar Haraldssonar, en hann hefur rannsakað ítarlega fyrirbæri, sem flestir vísindamenn hafa sniðgengið; spurninguna um sjálft handanlífið.
Á myndinni eru frá vinstri: Börkur Hansen prófessor, Viðar Guðmundsson prófessor, Jóhannes Ólafsson, MA-nemi í ritlist, Þóra Björk Þórðardóttir, MA-nemi í ritlist, Dýrfinna Guðmundsdóttir, MA-nemi í ritlist, Kristján Árnason prófessor, Ari Páll Kristinsson rannsóknarprófessor, Jóhannes Gísli Jónsson prófessor, Halldóra Jónsdóttir verkefnisstjóri, Sigríður Sigurjónsdóttir prófessor, Kristján Jóhann Jónsson prófessor, Katrín Jakobsdóttir, formaður stjórnar sjóðsins og Jón Atli Benediktsson, rektor HÍ.

Níu styrkir voru nýverið veittir úr Styrktarsjóði Áslaugar Hafliðadóttur til eflingar íslenskri tungu.
Þjóðbjörg Eiríksdóttir verðlaunahafi ásamt Vigdísi Finnbogadóttur, Jóni Atla Benediktssyni, rektor Háskóla Íslands, og Hilmari Braga Janussyni, forseta Verkfræði- og náttúruvísindasviðs.

Þjóðbjörg Eiríksdóttir, BS-nemi í rafmagns- og tölvuverkfræði, hefur hlotið styrk úr Minningarsjóði Þorvalds Finnbogasonar stúdents.
tjórn sjóðsins ásamt rektor og yfirmanni tækniþróunar hjá Ottobock. Fremri röð frá vinstri: Ebba Þóra Hvannberg, Hilmar Bragi Janusson, Bernhard Graimann og Þorvaldur Ingvarsson. Aftari röð frá vinstri: Jón Atli Benediktsson og Hans Dietl.

Tvö af fremstu stoðtækjafyrirtækjum heims, Össur hf. og Ottobock, hafa sett á fót rannsóknarsjóð við Háskóla Íslands sem ætlað er að styðja við rannsóknir sem tengjast taugastjórnun á gervilimum. Fyrirtækin leggja samtals rúmlega 200 milljónir króna í sjóðinn á næstu þremur árum.
Jón Atli Benediktsson, rektor HÍ, afhenti viðurkenningu í heilsugæsluhjúkrun á ráðstefnunni Hjúkrun í fararbroddi. Á myndinni er hann ásamt Sigríði Lilju Magnúsdóttur, verðlaunahafa og BS nema í hjúkrunarfræði og Jóhönnu Bernharðsdóttur, formanni stjórnar RSH.

Sigríður Lilja Magnúsdóttir, BS nemandi í hjúkrunarfræði við Háskóla Íslands, hefur hlotið viðurkenningu úr Minningarsjóði Guðrúnar Marteinsdóttur fyrir framúrskrandi árangur í heilsugæsluhjúkrun.
Frú Vigdís Finnbogadóttir ásamt styrkhafanum Snorra Tómassyni, BS-nema í iðnaðarverkfræði.

Snorri Tómasson, BS-nemi í iðnaðarverkfræði, hefur hlotið viðurkenningu úr Minningarsjóði Þorvalds Finnbogasonar stúdents.
Frá vinstri: Herdís Sveinsdóttir prófessor og stjórnarmaður, Emma Marie Swift ljósmóðir og styrkhafi, Valgerður Lísa Sigurðardóttir, sérfræðiljósmóðir og styrkhafi, Ólöf Ásta Ólafsdóttir, lektor og formaður stjórnar sjóðsins, og Jón Atli Benediktsson, rektor Háskóla Íslands.

Tveir styrkir hafa verið veittir til rannsókna á sviði ljósmóðurfræða úr Minningarsjóði Bjargar Magnúsdóttur ljósmóður og Magnúsar Jónassonar bónda. Emma Marie Swift og Valgerður Lísa Sigurðardóttir hljóta styrkina.